Arrestohet hakeri fierak në Tiranë, pjestar i grabitjes 530 milionë dollarë në SHBA

Gjatë ditës së sotme policia e Tiranës ka arrestuar 25 vjeçarin Aldo Ymeraj pasi dyshohet si pjesëtari i organizatës kriminale në fushën e krimeve kibernetike “Infraud”. Policia e Shtetit në bashkëpunim me DVP Fier dhe Prokurorinë e Përgjithshme, u kap dhe u arrestua shtetasi: Aldo Ymeraj, 25 vjeç, lindur dhe banues në Fier. Ndaj shtetasit Aldo Ymeraj , ka një urdhër arresti nga SHBA, për vepra të ndryshme penale në fushën e krimit kibernetik, pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh. Nga 36 personat ndaj të cilëve u ngrit padi, 13 janë arrestuar në Shtetet e Bashkuara, Australi, Britani, Francë, Itali, Kosovë dhe Serbi. Grupi i quajtur Infraud, ishte krijuar në vitin 2010 nga Svyatoslav Bondarenko, një 34 vjeçar ukrainas dhe përdorte një forum në internet për të blerë dhe shitur karta krediti dhe llogari bankare të vjedhura, numra të sigurimeve shoqërore dhe informacione të tjera personale.