Zyrtari për informim i Policisë së Pejës, Driton Rugova, tha se 18-vjeçarja tashmë gjendet në Pejë dhe se rreth rastit të saj po zhvillohen hetime.

Sipas Rugovës, Donjeta Avdijaj ka deklaruar se është larguar me vetë dëshirën e saj.

“E njëjta është dërguar për kontroll mjekësore dhe më pas me kërkesën e saj ajo është dërguar në shtëpinë e sigurt”, tha për kallxo.com Driton Rugova.

Ai tha se për veprimet hetimore është njoftuar edhe prokurori i shtetit dhe se rasti është nën hetime.

Babai i 18 vjeçares mohon se vajza ka pasur probleme familjare veçse dyshon se ajo u mashtrua.