Video/Zbulohet e dashura gjermane e kryeministrit Rama

Artur Zheji ka zbuluar një sekret për të shkuarën e kryeministrit Edi rama.

I ftuar në emisionin “Mos i fol shoferit”, Zheji foli për marrëdhënien e tij me Ramën, të cilin dikur e quante “vëllaçko”.

“U bëmë dy tipa të ndryshëm. Ne kemi bërë një bisedë vendimtare që ndau rrugët tona. Ka qenë viti ’97. Në 1997, Fatos Nano që më vonë u bë miku im shumë i shtrenjtë dhe u bë kryeministër, e ftoi për tu bërë ministër dhe ai ftoi dy miq për t’u këshilluar për të ardhmen e tij në Shqipëri. Sa kishte ardhur nga Parisi, njëri isha unë, tjetri ishte Spartak Ngjela që sot nuk le kusur, i thotë mendjefyell.

Donte një këshillim, ishte akoma Rama që unë kam njohur, që e kam patur vëllaçko. Ngjela i tha je në rrugën e duhur, kjo është e ardhmja jote, ti i ke të gjitha provokativat për t’u bërë njishi. Parashikimi i Ngjelës doli i saktë.

Kurse unë i thashë ti je artist i madh për mua dhe do humbasësh artin për politikën. Bile në atë kohë Rama ka patur një mikeshë gjermane, një yll e bukur, një gjermane brune me sy bojëqielli. Gjermanja u nda se mendonte që ishte e dashuruar me Ramën artist dhe jo me Ramën politikan. Gjermania erdhi më vonë, see gjermanet janë shumë besnike, ajo erdhi kur ai kandidoi për kryetar bashkie dhe i tha që deri këtu mbaj”- tha Zheji.

Më tej Zheji tha se ka luajtur edhe rolin e negociatorit mes Ramës dhe ish-kryeministrit Fatos Nano, të cilët ishin në konflikt me njëri-tjetrin.

“Më pas filluan sherret politike mes tij dhe Nanos. Unë isha negociator njëherë mes tyre. Shokë i kisha prapë. Mbetëm deri në një farë kohe miq në një truall shumë konfliktual”- përfundoi ai.