Gjyqtarë në Strasburg, shtyhet afati i aplikimit

Në funksion të pranimit të një numri sa më të lartë aplikimesh për pozicionin e gjyqtarit shqiptar në Gjykatën Europiane të të Drejtave të Njeriut, afati i aplikimit është shtyrë deri në datën 16 prill 2018.

Përmes një njoftimi për shtyp në faqen zyrtare të Kryeministrisë, inkurajohen të gjithë juristët që përmbushin kriteret që të aplikojnë.

Këshilli i Europës i ka kërkuar qeverisë shqiptare të paraqesë listën me propozime për tri kandidaturat më të përshtatshme për pozicionin e gjyqtarit të ri të Shqipërisë në GJEDNJ, i cili votohet nga Asambleja Parlamentare e Këshillit të Evropës.

Ky njoftim për aplikim bazohet në udhërrëfyesin e Komitetit të Ministrave të Këshillit të Europës CM ( 2012) 40-add, datë 29.3.2012.