Arrestohet noterja Majlinda Dibra në Shkodër

Një notere në Shkodër është arrestuar nga policia për shpërdorim detyre. Sipas burimeve zyrtare Majlinda Dibra, 44 vjeçe, notere dyshohet se ka noterizuar firmë të falsifikuar në disa dokumente. Gjykata e Shkodrës ka vendosur ndaj saj masën e sigurisë arrest me burg.

“Majlinda Dibra, 44 vjeçe, banuese në lagjen “Qemal Stafa” Shkodër, me detyrë Notere. Ndalimi i kësaj shtetase u bë pasi në zbatim të urdhrit me datë 22.03.2018 të Prokurorisë Pranë Gjykatës së Shkallës Parë Shkodër për ekzekutimin e vendimit penal me nr. 289, të Gjykatës së Shkallës Parë Shkodër, e cila ka vendosur masen e sigurisë “Arrest me burg”. Materialet iu referuan Prokurorisë së Rrethit Gjyqësor Shkodër për veprën penale “Shpërdorimi i detyrës”, thuhet në njoftimin zyrtar të policisë së Shkodrës.