Shemb burrin në dru se i harroi përvjetorin e martesës

35 vjeçarja nga Florida Carol Stone u arrestua të mërkurën pasi dyshohet se “ka goditur burrin shumë herë” në kokë dhe fytyrë pasi bashkëshorti i saj  harroi përvjetorin e tyre të martesës. Sipas policisë, burri e regjistroi incidentin me telefonin e tij celular dhe ia dorëzoi organeve hetuese. Në video shihet qartë kur gruaja e godet burrin e saj. Më vonë gruaja e konfirmoi në polici se ajo e kishte sulmuar burrin e saj, me justufikimin se ai kishte harruar një ditë të veçantë për të. Raporti i arrestimit thotë se ajo ishte akuzuar për dhunë të lehtë dhe ishte dënuar për një vepër minore. Zyra e Sheriffit të Pasco shpërndau një postim një ditë pas arrestimit të Stone ku kërkon të sensibilizojë viktimat e dhunës në familje.