Shpërthim me eksploziv në një makinë në Vlorë

Një shpërthim i fuqishëm është shënuar në një automjet tip “Audi”, në orët e para të mëngjesit të sotëm. Ngjarja ka ndodhur rretho orës 03.00 të mëngjesit, ende pa zbardhur e hëna, në qytetin e Vlorës, në zonën e Pyllit të Sodës. Nga të dhënat paraprake, dyshohet se shpërthimi ka ndodhur me eksploziv, teksa ka qenë i parkuar. Automjeti rezulton në pronësi të D.Shehut, ku si pasojë e flakëve të marra, ka pësuar dëmtime edhe një mjet tjetër i parkuar aty pranë. Lidhur me këtë rast hetimet janë në vijim, për të zbuluar më shumë mbi gjithë sa ka ndodhur.