Vëllai i ministrit Xhafaj: Nuk jam unë në video-përgjim, padi për 3 zyrtarë të PD

Reagon Agron Xhafaj, vëllai i ministrit të Brendshëm Fatmir Xhafaj pas publikimit të një audio – përgjimi nga Partia Demokratike. Lapsi.al mëson se ka Xhafaj ka dorëzuar në Prokurorinë e Tiranës një padi penale për “kallëzim të rremë” për zyrtarët e PD-së: Enkelejd Alibeaj, Gazmend Bardhi dhe Ervin Salianji. Agron Xhafaj i konsideron pa bazë akuzat dhe çdo insinuatë që e lidh atë me audio-përgjimin. Xhafaj është shprehur se nuk është asnjëri prej personave që flet në atë audio-regjistrim.