Maliqari bie nga qershia dhe humb jetën

Një burrë ka ndërruar jetë ditën e sotme pasi ra nga qershia. Ngjarja tragjike ka ndodhur në Maliq të Korçës. Media ka mësuar se viktimë ka mbetur Agron Gjoni, 50 vjeç, i cili u rrëzua nga pema. Pas ngjarjes, ai u transportua për në spital, por gjithçka rezultoi e kotë. Ishin familjarët e të ndierit që e gjetën poshtë pemës. Nuk dihet nëse rënia nga pema ka qenë aksidentale, apo nga ndonjë komplikacion shëndetësor.