Vajza kroate që mori të gjithë vëmendjen e fotografëve në Kampionatin Botëror

Mediat kroate e kanë zbuluar identitetin e bukuroshes nga tribunat që e ka marrë vëmendjen e fotografëve në Kampionatin Botëror.

Emri i saj është Ivana Knoll dhe dikur ka konkurruar për ‘Miss’.
Gjatë ndeshjes ndërmjet Kroacisë dhe Nigerisë në Kalinjingrad, të vlefshme për xhiron e parë të fazës grupore të Kampionatit Botëror, në stadium ishte e pranishme edhe kroatja e bukur.

Ajo është shndërruar në një sensacion në mediat kroate, por edhe në anën rozë të mediave në turneun më të madh ndërkombëtar.

Ivana është 26-vjeçare, ndërsa në vitin 2016 ka konkurruar për ‘Miss Kroacia’ si përfaqësuese e diasporës.
Bukuroshja ka lindur në Gjermani, ndërsa nga mosha tetëvjeçare ka jetuar në Hercegovinë. Ajo studion në Fakultetin Grafik në Zagreb.

Nëse vlerësojmë në bazë të profilit të saj në Instagram, Ivana është admiruese e vallëzimit dhe udhëtimit.
Ajo është në lidhje dashurie dhe në Rusi ka udhëtuar me të dashurin e saj.