Strakosha renditet mes portierëve të mëdhenj

Thomas Strakosha ka bërë një sezon fantastik në kampionatin italian, duke u konsideruar si një portierët më të mirë për sezonin që lamë pas.

Pavarësisht disa gabimeve si ai në momentin vendimtar ndaj Interit, e përgjithshmja e gardianit shqiptar është më shumë sesa pozitive. Në këtë mendim është edhe ish-portieri i Lacios, Silvano Martina që e ka vlerësuar Strakoshën si një nga portierët më të mirë.

“Strakosha është realiteti i Lacios dhe futet tek portierët e mëdhenj të momentit. Ofertat që po merren nga ana e Lotitos për të, e dëshmojnë dhe e vërtetojnë këtë gjë”, ka thënë shkurtimisht Martina për “Radio Icontro Olympia”.