Portugalia provon frikën, Spanja zhgënjen me Marokun

Portugalia është kualifikuar me vështirësi për në raundin tjetër të Botërorit “Rusi 2018”, pasi barazoi 1-1 me Iranin, me iranianët që në minutën e katërt shtesë kishin mundësinë që të fitonin takimin dhe të nxirrnin jashtë portugezët. Quaresma shënoi në minutën e 45 të pjesës së parë për Portugalinë, ndërsa Irani barazoi me penallti në minutën e 93, me Ansarifard. Për t’u shënuar që Cristiano Ronaldo humbi 11-metërsh në minutën e 53, ndërsa rrezikoi të ndëshkohej me karton të kuq për një episod në minutën e 83, por pasi u vëzhgua me VAR, kapiteni portugez u ndëshkua vetëm me të verdhë. Spanja ka barazuar vetem ne fund me Marokun me rezultatin 2-2.