Basha ka një përgjigje për foton me vellane e porositësit të eurove

Kreu i PD, Lulzim Basha ka reaguar sot për herë të parë pas fotos që i nxori në Kuvend socialisti Taulant Balla, ku Basha sipas tij ishte fotografuar me vëllanë e njërit prej të kërkuarve si porositës të 3.4 milionë eurove me Toyota.

Ne nje prononcim per mediat jashte selise blu, Basha i eshte pergjigjur interesit te gazetareve per ate foto per te cilen e ka akuzuar Balla.

“Une takoj mijëra njerëz”- ka thene Basha. Sipas tij, “Fotoja vërteton se Balla është kapobanda dhe e ka marrë atë foto nga banda e Elbasanit. Une takoj mijëra njerëz, nuk më ka prezantuar njeri me të, nëse është ai ta marrim ta arrestojnë, ta arrestojne qe sot. Nuk e mbaj mend, disa thotë që ka qenë në kuadër të fushatës së zgjedhjeve të pjesshme në Dibër, por unë takoj me mijëra njerëz, personi në fjalë nuk më thonë asgjë”- tha Basha duke shtuar se “Balla është garantuesi i kalimit të parave”.