Nainggolan feston në klubet e natës, ky është vendimi që merr klubi i Interit (FOTO)

Mesfushori i Interit, Radja Nainggolan ka arritur ta shmangë gjobën nga klubi i tij, pasi drejtuesit e Interit e kanë falur mesfushorin belg i cili ka festuar deri në orët e vona të së shtunës.

Është e përditshmja italiane “Corriere della Sera” e cila  raporton se “zikaltrit” nuk mendojnë se ka pasur diçka të gabuar me veprimet e belgut, i cili ishte i dëmtuar dhe për këtë arsye ai nuk mund t’i bashkohej skuadrës.

Në një video të publikuar online, shihet Nainggolani duke festuar në një klub natë deri në orët e vona, ndërsa ai ishte duke u argëtuar, një tifoz e kishte pyetur se a duhej të ishte duke pushuar apo duke u stërvitur ai në vend se të festonte. Nainggolani i ishte përgjigjur atij duke e ngritur gishtin e mesit.