Akuzat se rekrutonte prostituta për në Maqedoni/Kush është kryetari i shoqatës dhe fotografitë me VIP-at

Emisioni “Fiks Fare” denoncoi mbrëmjen e sotme rastin e shoqatës artistike “Ferdinand Deda”, se rekruton vajza për prostitucion. Sipas emisionit investigativ, shoqata kishte si objekt numrat e prestigjit dhe shfaqjet artistike. Në faqen e shoqatës artistike “Ferdinand Deda”, paraqiten aktivitete të tilla që duket se mbulonin prostitucionin që fshihej pas. Shpëtimi Çekrezi, kryetari i kësaj shoqate, shfaqet në rrjetet sociale nën petkun e një artisti që ka njohje dhe shoqëri me persona VIP të skenës shqiptare. Nga një kërkim në faqen në Facebook të shoqatës artistike Ferdinand Deda, kryetari i saj shihet teksa pozon krah artistëve të njohur si këngëtarja Eli Fara apo Sejfulla Myftari, i njohur edhe si Cekja i Beratit. Madje, Shpëtimi Çekrezi ka marrë pjesë si konkurrent edhe në një emision televiziv, ku ka performuar me numra prestigji.