Albanistan/Çanta 2-3 mijë euro, unaza, varëse. Spiropali ia kthen Salianjit: O pika ty, mos fol për moral

Teksa flisnin per vetingun ne politike, Salianji tha se te gjithe politikanet duhet ti nenshtrohen per te pare situaten se si eshte, dhe i ka kujtuar socialistes cantat e shtrenjta, unazat e vareset. Por, ajo i ka treguar unazen e marteses, duke iu pergjigjur se ate ka dhe e ka te shenjte.  Lexoni me poshte debatin mes tyre:

Spiropali: Zoti Salianji, Lulzim Basha, Berisha le ta zgjidhin vete dhe le të vijë të ulen për të negociuar, ta çojmë në komisionin e Venecias, Vettingun e ç’të duan.

Salianji: Çfarë do negociojmë?

Spiropali: Të ndjekim deri në fund kush është hajduti, kush është vrasësi, kush është shpifësi. Por jo vetting, politikanët për politikanët. Ti je mashtrues që nuk ke as burrëri për të diskutuar.

Salianji: Na thua broçkulla këtu dhe del me çanta 2-3 mijë euro.

Spiropali: Unë nuk kam asnjë cantë as 2 mijë euro, as 5 mijë euro, as nuse djali, as djalë, as kunat, asgjë.

Salianji: Del këtu dhe kërkon dhe mbron politikanët e kriminalizuar. Me unaza, me çanta, me makina, me varëse…

Spiropali: Po c’varëse e unaza, o pika ty për varëset dhe unazat.

Salianji: Duke u marrë gjakun shqiptarëve, cili është Skënderbeu këtu, ky që ka futur kriminelët në parlament. Me këta njerëz do merremi ne, që flasin broçkulla, i marrin njerëzit për budallenjë këta, kush janë këta, që e nisin me 5 mln euro nga KLSH dhe e mbyllin me prokurorinë.

Spiropali: Ja ku e kam unazën, këtë kam. E kam të shenjtë martesën që ta dish.

Salianji: Këto diskutoni këto, me Skenderbe nuk bëhesh dot

Spiropali: Je mashtrues. Je shakaja publike e partisë tënde. Unë nuk i bie kujt më qafë, zgjidh problemet morale që ke vetë, me mua mos u merr me këtë cështje.

Salianji: Këto diskutoni sot, jo përpëlitje kot.

Spiropali: Ti nuk mund të flasësh për Skenderbe, se ti je vemje, vetëm ti mos fol për moral, se je kapur në publik dhe e dinë të gjithë, të flasë ndonjë tjetër. Politika është arena ku ka moral dhe përballje, unë nuk i konsideroj as kundërshtarë

Salianji: Unë krimin e konsideroj armik edhe hajdutëve, armiq të shqiptarëve.

Vetting-u në politikë ishte tema e diskutimit të emisionit “Open” me gazetaren Eni Vasili, mbrëmjen e së hënës, në Top Channel.

Zëdhënësja e grupit parlamentar të PS, Elisa Spiropali se opozita kërkon që politika t’i bëj veting politikës çka është e pakuptimtë sipas saj. Spiropali theksoi se vetingun e plotë do ta bëjnë institucionet e reja në sistemin e drejtësisë.

“Nuk po dim dhe ne kujt t’i themi po dhe për çfarë të themi jo deri në momentin që ajo që kemi përpara nuk është një projektligj por është një nisëm e hamendësuar kushtetuese për të bërë autoveting ose një vetveting. Pra një veting të politikës për politikën. Ajo për të cilën biem dakort por që ne e kemi çuar edhe më tej dakordësinë duke miratuar reformën më radikale në sistemin e drejtësisë dhe shkëputjen përfundimtare të drejtësisë nga politika. Për herë të parë pas vetingut të gjyqtarëve dhe prokurorëve ne do të kemi dy institucione shumë të rëndësishme që është Prokuroria e Posaçme Anti-Korrupsion dhe Byroja Kombëtare e Hetimit.”, tha Spiropali.
Ndërkohë për drejtuesin e grupit të punës për vetingun në Politikë, Ervin Salianji vetingu do të bëhet nga një grup i pavarur profesionistësh pa lidhje me politikën.

“Vetingun do ta bëj një komision i pavarur. Në këtë vend ka njerëz me integritet nuk është se është tharë Shqipëria nga njerëz të tillë. Me kritere të theksuara jo vetëm profesionale por edhe në lidhje me integritetin e tyre, të cilët do të kontrollojnë politikanët lidhur mbi bazën e fakteve dhe provave. Nuk mund të ketë më trajtim preferencial për politikanët”, sqaroi Salianji.