Të rejat e horoskopit, 9 tetor 2018

Dashi

Gjeni kohë për të riparë disa çështje të familjes, të cilat i keni lënë pezull. Parashikohet një ditë interesante, për të sheshuar të gjitha tensionet, të cilat gjatë javëve të fundit ju kanë nervozuar.

Demi 

Në këtë moment duhet të mundoheni të rigjeni harmoninë dhe qetësinë në të gjitha projektet tuaja, sidomos nëse gjatë muajve të fundit jeni përfshirë në situata të papëlqyeshme me familjen ose partnerin/en. Horoskopi i kësaj të marte favorizon projektet e reja.

Binjakët

Duhet të tregoheni më të zgjuar lidhur me strategjitë në vendin e punës, pasi së fundmi mund të merrni stimuj të mëdhenj, për të kaluar sfidat me të cilat jeni përballur së fundmi. Këshillohet që të mos e lini pas dore jetën në çift.

Gaforrja

Tregohuni më të matur me fjalët, pasi mund të lëndoni pa dashur një person i cili ju ka qëndruar gjithmonë pranë. Përgjithësisht janë ditë që ju shohin mjaft të tensionuar, por kjo gjë nuk duhet t’iu shtyjë drejt debateve për çdo gjë. Është mjaft i favorshëm një kompromis, i cili do të shmangë shumë konflikte.

Luani

Nëse ndjeheni të detyruar të merreni me një çështje që nuk ju përfshin direkt, rrezikoni të reagoni në mënyrë shumë agresive. Mundohuni të mos e humbni kontrollin. Këshillohet që të ruani kontrollin në çështjet e dashurisë.

Virgjëresha

Gjatë kësaj të marte parashikohen mundësi shumë të mira për tu afruar me një person, me të cilin keni debatuar prej kohësh. Shpesh prireni që të jeni shumë kokëfortë, aq sa do të shfaqeni agresiv vetëm për të mbrojtur bindjet tuaja. Këshillohet që të dëgjoni më shumë mendimet e të tjerëve.

Peshorja

Më në fund do të riktheheni në lojë duke marrë një rol të ri i cili do ju lejojë që të vlerësoni më shumë krijimtarinë tuaj. Ka disa zgjedhje që duhet ti merrni me kujdes, ndaj mos u nxitoni.

Akrepi

Ju pëlqejnë sfidat dhe të vënit në provë për ju është një mënyrë shumë e mirë për të zbuluar shumë anë të vetes tuaj, sidomos në dashuri. Megjithatë parashikohen disa konfirmime të rëndësishme të cilat do ju lejojnë që të merrni më shumë kohë për të menduar për veten. Puna do të jetë mjaft e lodhshme, por e mbushur me kënaqësi të mëdha.

Shigjetari

Parashikohet një ditë e cila do ju lejojë që të rigjeni qetësinë dhe paqen, në të gjithë raportet ndërpersonale, sidomos nëse në familje keni pasur disa çështje që kërkojnë zgjidhje. Në punë, parashikohen rezultate shumë të mira.

Bricjapi

Në këtë moment duhet të mundoheni të jeni më aktiv në vendin e punës, pasi intuita juaj do ju lejojë që të arrini një objektiv të rëndësishëm, me një sforco minimale. Disa vendime të rëndësishme, mund t’iu marrin shumë kohë.

Ujori

Në këtë moment duhet të mundoheni të jeni më të kujdesshëm me shpenzimet, sidomos nëse jeni gati për tu përfshirë në investime të rëndësishme për karrierën tuaj, shkruan noa.al. Horoskopi i kësaj të marte ju fton që të mos lini pas dore partnerin/en tuaj.

Peshqit

Do të tregoheni mjaft të aftë në arritjen e një marrëveshje, e cila do të jetë shumë e frytshme për arritjen e qëllimeve tuaja. Megjithatë nga pikëpamja sentimentale duhet të mundoheni të jeni më të rezervuar. Duke qenë të pranishëm, do të arrini të forconi lidhjen me personin që dashuroni.