Aksident në Rrugën e Kombit, dy të vdekur dhe tre të plagosur

Një aksident i rëndë rrugor është regjistruar pasditen e sotme në Rrugën e Kombit.

Ngjarja ka ndodhur në afërsi të Rubikut, ndërsa nga përplasja e dy automjeteve, raportohet për dy viktima dhe tre të plagosur.     .

Aksidenti ka ndodhur pak më parë, mes një Benzi dhe një , Volkswagen por ende nuk dihen detajet dhe rrethanat e kësaj përplasjeje.

Sipas informacioneve paraprake mësohet se tre të plagosurit ndodhen në gjendje të rëndë shëndetësore dhe janë nisur me urgjencë drejt spitalit të Traumës në Tiranë.

Policia ndodhet në vendngjarje, ndërsa ende nuk ka detaje në lidhje me identitetin e viktimave apo të plagosurve. Grupi hetimor po punon për zbardhjen e plotë të shkaqeve të aksidentit.