Ministrja shkarkon drejtorin e ALUIZNI-t në Vlorë, së bashku me dy vartësit e tij
Ministja e Drejtësisë, Etilda Gjonaj ka njoftuar live përmes një konferencë për shtyp, shkarkimin nga detyra drejtori i Drejtorisë Rajonale të ALUIZNI-t në Vlorë, Ardian Musta.
Së bashku me të, u shkarkuan edhe dy vartësit e tij.
Masat disiplinore janë dhënë konkretisht për drejtorin e Drejtorisë Rajonale të ALUIZNI-t, Vlorë, përgjegjësin e Sektorit të Legalizimeve, Drejtoria Rajonale e ALUIZNI-t, Vlorë, si dhe për specialistin e Sektorit të Legalizimeve, Drejtoria Rajonale e ALUIZNI-t, Vlorë.
Sipas ministres, këto masa janë rekomanduar për disa arsye.
- Se nuk kanë respektuar procedurat dhe kërkesat e parashikuara në kuadrin ligjor në fuqi lidhur me mbledhjen dhe administrimin e dokumentacionit tekniko-ligjor të nevojshëm.
- në marrjen e vendimit të kualifikimit dhe emetimin e lejes së legalizimit sipas kuadrit ligjor për një objekt shtesë pa leje në objekt ekzistues.
Sipas ministres, nuk janë marrë parasysh përcaktimet e Ligjit “Për trashëgiminë kulturore dhe muzetë”, duke legalizuar shtesë në një objekt ekzistues, duke cenuar vëllimin ose pamjen e jashtme të murit mesjetar të Kalasë së Skelës. Gjithashtu, Task Forca Antikorrupsion ka rekomanduar edhe shumë masa disiplinore për të tjerë punonjës të kësaj drejtorie.