KOKALARI – MBIEMNI I PERGJAKUN I FAMILJES GJINOKASTRITE

Fritz RADOVANI

 SHTËPIA E DJEGUN KOKALARI

NGA GURT’ E THEMELIT TË KËSAJ BINA, NJË SHKAMB…

E PRA, NJË SHKAMB…NA LA TË DALTUEME NË GUR HUMNEREN KU PO ZHYTEJ SHQIPNIA PER 47 VITE SLLAVOKOMUNIZEM NGA NJË TERRORIST.

KY TESTAMENT ASHT VETEM PAK RRESHTA NË LIBRIN E MJERIMIT…

9 NANDOR 1944; MUNTAZ KOKALARI një nga intelektualët e njohun Gjinokastrit ka shkrue këto rreshta tri ditë para pushkatimit pa gjyq në Tiranë:

“Po përjetojmë ditë të vështira. Kam vendosur me brengë në zemër të largohem nga Shqipëria ime e bukur, nga familja e dashur. Këtë vendim e mora mbasi më njoftuan disa nga miqtë e mi të besuar se jeta ime dhe e të afërmve të mi është në rrezik nga bashtua Enver Hoxha. Ai ka urdhëruar djajtë e kuq kundër nesh. Kjo kuptohet: Thjesht për motive personale…Kjo është fatkeqësi e kombit tonë dhe e Shqipërisë së gjorë, që ka rënë në duart e një njeriu të përbindshëm, tinëzar, hakmarrës, inatçi, dinak, megaloman, egoist, kumarxhi e gënjeshtar, që i do njerëzit nën vete; edhe kur qe jashtë për studime nuk dha asnjë provim, mbeti pas kabareve, kazinove etj. Ne intelektualët gjirokastritë ia dimë të gjitha sa i vlen lëkura, prandaj kërkon të na asgjësojë.”(AQSH, F.14 d.2/a v.1944)

12 NANDOR 1944 Terroristi Enver Hoxha pushkatoi Muntaz KOKALARIN dhe vazhdoi vrasjet me Vesim KOKALARIN, Syrja KOKALARIN… Arrestoi Musinen dhe Hamid KOKALARIN…Edhe këta, vetem pse kanë vue gurë të pakrahasueshëm në thëmelet e kulturës sonë kombtare me prioritet Europjan Perëndimor.

E gjakosja e Këtyne themeleve vazhdoi derisa një ditë barbarët vrastarë i vune zjarrin. 

Po gjurmët e Gjakut t’ Atdhetarëve tanë nuk i shuen as “Rilindja e tiranve tradhtarë”!

Melbourne, 23 Shkurt 2019