Pamje të tmerrshme në video/Kryetari i gjykatës dhunon avokaten

Pamje tronditëse janë transmetuar sot nga emisioni “Stop”. Kryetari i Gjykatës së Kukësit, Isuf Shehu, ka goditur me shpullë avokaten Aurora Guska. Ajo ka rënë në tokë nga goditja e fortë.

Në pamjet e kapura nga kamerat e sigurisë mund të shihet Shehu së bashku me Guskën që afrohen tek hyrja e gjykatës. Ata ndalojnë para hyrjes dhe Kryetari i Gjykatës e godet avokaten në fytyrë. Pasi bie përtokë, avokatja ngrihet dhe e ndjek nga pas. Drejtuesi i emisionit, Saimir Kodra tha se edhe pse këto janë pamje nga kamerat e sigurisë janë dërguar në emision nga një qytetar. Ende nuk dihen detaje të kësaj ngjarje skandaloze që ka ndodhur në hyrjen e një institucioni të rëndësishëm siç është gjykata.