Vargje poetike nga Katiola Karoli

 

 

Vetëm ty

 

Nën rrahjet e zemrës pa fjalë,

Heshtja ime pëshpërit  të dua.

Drithërimat e trupit tim,

Kërkojnë vetëm të tuat duar.

 

Në heshtje bëj betimin e zemrës,

Në këtë jetë do të të përkas veç ty.

Si zog strehuar tek gjoksi yt,

Ndjehem mbretëreshë në dashuri.

 

Kaosi i ndjenjave të mia

 

Kaosin e ndjenjave të mia,

është tepër e vështirë ta kuptosh

Në mëngjes ndez zjarre shpirtrash

Në mbrëmje të urdhëroj të më harrosh

 

Ulërin brenda meje ndjenja

Mbështjellë me një mjegull mistik

Me lotët e padukshëm fik zjarrin

Ndriçoj zemrën me shkopin magjik

 

Dashurisë sime

 

Ti i shtrenjti, dashuria ime.

Herë-herë hesht largohesh nga mua.

Nuk më përkëdhel më me sy.

Nuk më pëshpërin më të dua.

 

Ti i shtrenjti, dashuria ime.

Je mësuar të luash si njē fëmijë.

Më afron dhe më largon.

Sa herë shpirti yt ka dëshirë.

 

Por një gjë ke llogaritur gabim.

Se je një univers larg a një milimetër pranë.

Unë të kam fshehur brenda shpirtit tim.

Dhe ai  është më i thellë se një oqean.

 

Dhe mbas atij imazhi yjor.

Do kapem fort si mbas shkëmbit jetë.

Unë kam nevojë për dashurinë tënde.

Sepse të dua me ndjenjë qelibar të sinqertë.

 

Ti je më i shtrenjti,  dashuria ime.

Harron se unë rilinda vetëm nga ty.

Nga rrahjet e zemrës tënde mori jetë e imja

E të kam çdo ditë diell në sy….