Mbledhja e NCRI për Vitin e Ri në Uashington DC bën thirrje për politikë më të rreptë të SHBA ndaj Iranit
Zyra Përfaqësuese në SHBA e Këshillit Kombëtar të Rezistencës së Iranit (NCRI) festoi Vitin e Ri iranian (Nowruz) me një darkë më 22 mars, ku morën pjesë disa ish-zyrtarë të lartë amerikanë dhe pati shumë folës të shquar. Pjesëmarrësit bënë thirrje për një politikë të rreptë amerikane kundër Regjimit Iranian.
Dr. Sofey Saidi, anëtar i Komitetit të Punëve të Jashtme të NCRI-së, e hapi eventin me një fjalim për shpresën se ky vit do të sjellë liri dhe demokraci për Iranin, duke theksuar se kryengritja e vazhdueshme anti-regjim e bën “të pashmangshme” përmbysjen e mullahëve. Ndërsa përfaqësuesja e NCRI-së në Uashington, Soona Samsami, tha se festimet e Vitit të Ri iranian janë në thelb të lidhura me “triumfin e lumturisë mbi vuajtjen, pranverës mbi dimrin, dhe lirisë mbi tiraninë”, kështu që nuk ka kohë tjetër më të mirë për të menduar për një mëngjes të ri në Iran.
Tom Ridge, ish Sekretar i SHBA-së për Sigurinë e Atdheut, foli mbi protestat dhe tha se mbi 10,000 njerëz janë arrestuar në 160 qytete për protestë paqësore kundër Regjimit.
Ai tha: “Njerëzit në mënyrën e tyre janë duke thënë se situata është e papranueshme dhe se duan ndryshim…. Alternativa është shprehur gjerësisht, me elokuencë e vendosmëri përmes NCRI-së dhe [presidentes së saj, Maryam] Rajavi dhe planit të saj me 10 pika.”
Ambasadori Robert Joseph, ish-nënsekretar i Shtetit për Kontrollin Ushtarak dhe Sigurinë Ndërkombëtare, përshkroi me detaje forcat e rezistencës në Iran dhe deklaroi se populli iranian do ta “hedhin tej zgjedhën e shtypjes” dhe se NCRI udhëheq rrugën për liri. Ndërsa ambasadori Lincoln Bloomfield Jr, ish Asistent Sekretari i Shtetit për Punët Politike-Ushtarake, përgëzoi të gjithë ata që po punojnë për lirinë në Iran, duke thënë se SHBA është “guxim”, “vërtetësi”, dhe “drejtësi” për popullin iranian.
Kenneth Blackwell, ish Ambasador i SHBA-së në Komisionin e Kombeve të Bashkuara për të Drejtat e Njeriut, tha: “Ka një shpërthim të ri, një energji të re dhe një dëshirë të re për liri në vend, dhe jam shumë i lumtur që jam pjesë e kësaj shtyse [për] një Iran të lirë e demokratik.”
Ish Ambasadori i SHBA-së në Bahrein dhe Zëdhënësi i Departamentit të Shtetit Adam Ereli shpjegoi se Regjimi e ka humbur legjitimitetin e tij dhe se ditët e tij janë “të numëruara”. Ndërsa Koloneli Ëes Martin, një ish Oficer i Lartë për Anti-terrorizmin dhe Mbrojtjen e Forcave për të gjitha forcat e Koalicionit në Irak, tha se ka plot ligësi tek Regjimi dhe NCRI janë “heronj” që i kundërvihen atij.
Në fund të fundit, është e qartë se SHBA duhet ta ndryshojë politikën e saj ndaj Iranit në mënyrë që të sillet më ashpër ndaj mullahëve dhe të mbështesë Rezistencën Iraniane.