Ylli Xhaferri: Kthim te vetja

…një hap veprim
sa një botë premtimesh vlen!

dikush e ka përdorur më parë
shijuar e velur
dhe shpërdoruar
duke ia ngrënë thembrat
madje, gripuar në jakë e bërryla

…në gjunjë për pritmëri
orë pa akrepë mbetemi!

në sofrën e jetës që duket si e marrë hua
hiqemi si ta kemi zënë ne fillë
ndryrë në shterpësi:
ide, dashuri, qeveri, lindje, vakte,
art, politikë, vdekje, botime akademikësh.

…veç kthimi te vetja
bën që ta duam lamtumirën!