Erjona Sulejmani: Ja e vërteta e ‘lidhjes’ me presidentin e Interit

Ish-bashkëshortja e Blerim Xhemailit ka hedhur dritë për lidhjen që po përflitet në media me presidentin e Interit, Steven Zhang.

Modelja shkodrane Erjona Sulejmani ka sqaruar gjithçka rreth këtij rasti, duke i hedhur poshtë spekulimet për një lidhje me biznesmenin kinez.

“Ta bëjmë të qartë një gjë: fakti se bëj tifo për Interin që kur isha 10 vjeçare, nuk do të thotë asgjë tjetër pos të jem tifozë e këtij klubit. Për të tjerat, nuk e di me të vërtetë se nga kanë rrjedhur ato lajme”, ka thënë Erjona, e cila njihet për linjat e saj perfekte dhe për bukurinë.

Ditë më parë pyetjes së një ndjekësi në “Instastory” në lidhje me presidentin zikaltër, Erjona iu përgjigj duke vendosur si “emoji” 5 palë sy, duke lënë të hapur gjithçka.