Motrat shqiptare mahnisin jurinë e “The Voice Italia”

Dy motra shqiptare kanë arritur të përzgjidhen në “The Voice of Italy”.  Serena dhe Ina Sinani, mahnitën jurinë italiane dhe bënë që të katër anëtarët të ktheheshin për t’i kërkuar në skuadrën e tyre. Me këngën “Shumë pis” të Era Istrefit dhe Ledri Vulës, “Sindolls” kënduan shqip, dhe pavarësisht këmbënguljes të secilit anëtar të jurisë për ti pasur në skuadër, ato zgjodhën artistin e njohur Gue Pekueno, për të cilin thanë se e kanë një frymëzim i madh. Motrat 20 vjeçare u përqafuan me prindërit e tyre pas kuintave, ku në gjuhën shqipe babai iu tha se ndihej krenar për to.