Vargje poetike nga Brunilda Spiro

 

Maji im!

 

Unë sot jam blu

Maji me pikoi blunë pikë- pikë

Së bashku me mbretëreshën time

Era flladoi si ledhatare e unë

Ia kam hapur derën e çdo qelizë

Gjakun të më ngrohë

E në damarët të pikojë blu

Ja po zbret ajo

Qielli uli shkallët e krahët vendosi mbi zemrën time

Maji im, ardhsh gjithmonë blu

Dhe mbretëreshën tjetër më sill!

Ua dëgjova bisedën me sy

 

“Hajde e brishta ime, pika qielli të bëhemi

Edhe pse krahët na rëndojnë nga ëndrrat e lagura

Lirinë e rrëmbyen retë…ne shkojmë të grisim ndonjë copë

Krahët dhe zemrën tonat i kemi

Ndërmjet qiellit e tokës të endemi”!