Gazetari gjerman i përgjigjet Ramës: Po bëj edhe një dokumentar për mafien në Shqipëri

Gazetari gjerman Peter Tiede, autori I shkrimit për mafien dhe politikën në Shqipëri, ne të përditshmen më të madhe gjermane Bild. Ka pasur një lidhje direkte me emisionin “A-Show”, në News 24. Ai është shprehur se ka investiguar vetë në Shqipëri, por pjesën më të madhe të informacionit rreth situatës aktuale ku ndodhet vendi e ka marrë nga policë që janë në azil politik.

Ishit i vetëdijshëm që artikulli do të bënte zhurmë të madhe?

“Natyrisht që jo, ishte një artikull i vogël për raportet tona mediatike. Merrem me pjesën më të madhe me dokumentarë. Ky artikull nuk ishte pjesë e një dokumentari”.

Mundet ju të investigoni personalisht në Shqipëri?

“Kam qenë disa herë në Shqipëri. Kam qenë në Greqi dhe vende të tjera. Kam qenë një javë në Shqipëri, kam takuar njerëz më kanë dhënë informacion dhe më kanë dhënë përshtypje se çfarë ndodh në Shqipëri. Janë njerëz që nuk preferojnë të flasin në Shqipëri. Kryesisht janë disa policë që i kanë ikur burgimit apo arrestit, apo policë që kanë qenë në arrest shtëpie. Kanë kërkuar azil politik jashtë vendit dhe mbrohen. Ata flasin si për qeverinë si për opozitën”.

Qeveria shqiptare duket e shqetësuar nga artikulli juaj, a jeni kërcënuar?

Nuk është profesioni im që të merrem me politikanët. Unë kam shkruar shumë për vendet e Lindjes. Sigurisht që politikanët nuk janë të kënaqur, kur unë jam kritik. Por ka nga ata politikanë që kanë media në Shqipëri dhe thonë gjëra të tjera. Sa i takon lirisë së medias, Shqipëria ka probleme. Nuk mund të thonë dot që paguhem për artikuj.

————————–

Peter Tiede shkroi artikullin “Shqipëria udhëhiqet nga kriminelët dhe gangsterët’, tha se “gjatë një vizite në Shqipëri ka parë me sytë e tij laborator heroine në vitin 2016”, por pa treguar vendin se ku. Gazetari theksoi se ai po punon për një material, i cili do të flasë mbi mafien shqiptare, ndërkohë që laboratori i drogës duhet të jetë ai i Xibrakës.

Në lidhje skype me emisionin, Tiede, komentoi edhe  deklaratën e kryeministrit Edi Rama, i cili ka theksuar se gazeta gjermane është e stilit “bulevardeske”, që nuk thellohet në çështje, por gazetari shtoi se artikulli është i saktë dhe sipas tij, Rama më parë duhet të tregojë se pse nuk funksionojnë disa institucione në Shqipëri dhe jo të merret me median gjermane.