Erdogan: Nuk ka kthim mbrapa nga marrëveshja me Rusinë

Pavarësisht paralajmërimeve të SHBA, presidenti turk, Recep Tayyip Erdogan, është shprehur se Turqia nuk do të tërhiqet nga marrëveshja me Rusinë për sistemin raketor S-400.

“Ka një marrëveshje. Ne jemi të vendosur. Nuk është në konsideratë për të marrë hap prapa” u tha Erdogan gazetarëve në Stamboll.

Turqia në vitin 2017 nisi përpjekjet për blerë sistemin S-400 nga SHBA, por pas dështimit për gjetjen e një marrëveshje, Erdogan nisi negociatat me Rusinë.

Megjithatë, zyrtarët e SHBA-ve kanë këshilluar Turqinë për të blerë sistemin e raketave Patriot në vend të atij S-400 nga Moska, duke argumentuar se është i papajtueshëm me sistemet e NATO-s.

Turqia është përgjigjur se refuzimi i SHBA-ve për të shitur ato Patriot ishte shkaku që e detyruan Turqinë të kërkojë shitës të tjerë, duke shtuar se Rusia ofroi një marrëveshje më të mirë, duke përfshirë transferimet e teknologjisë.