Përgjimet e ‘Bild’, reagon Vangjush Dako: Absurde!

Kryebashkiaku i Durrësit Vangjush Dako reagon lidhur me audiopërgjimet e publikuara në gazetën gjermane ‘Bild’, ku pretendohen blerje votash nga Astrit Avdulaj i bandës së Shijakut në emrin e tij.

Dako ka folur për ‘Ora news, duke i cilësuar përgjimet absurde, teksa ka kërkuar që ta zgjidhin organet përkatëse një çështje të tillë.

“I pashë dhe i dëgjova përgjimet. Për mua janë diçka absurde, sepse unë jam  kryetar bashkie dhe telefonin do ia hap çdo qytetari. Nuk kam asnjë koment. Kjo është çështje mediatike”, u shpreh Dako.