Bllokohen 8 autobusë në doganën e Morinës, nuk lejohen të hyjnë në Kosovë

Autobusët e linjës Bajram Curr-Kosovë-Tiranë, të nisur nga Shqipëria drejt Kosovës janë bllokuar në doganën e Morinës. Bllokimi i 8 autobusëve mësohet se është bërë për shakak të një urdhri të Ministrisë së Transportit në Kosovës me pretendimin se ata nuk kanë përmbushur detyrimet e parashikuara në kontratë.

Automjetet janë të bllokuara që prej orëve të para të mëngjesit dhe nuk lejohen të hyjnë në Kosovë.

Rifat Hajdini, kreu i shoqatës së transportit publik të linjave Bajram Curr-Kosovë-Tiranë thotë se pretendimi ështe jo i vërtetë dhe se ata nuk ishin lajmëruar për këtë urdhër. Ai bën apel dy qeverive për zgjidhjen e situatës.

Please follow and like us: