Vargje poetike nga Katiola Karoli

 

Të zgjodha ty

 

Shikimi yt i ëmbël misterioz

Sytë e mi të ftohtë, të padepërtueshëm

Vështrimet tona përplasen heshtur

Mendimet e mia gurgullonin zhurmshëm.

 

Heshtja jote si një murg manastiri

Fjalë që ngeleshin më grykë

Shikime misterioze hidhje drejt meje

Dhe unë që nuk dija të të lexova sytë.

 

As vetë dot nuk e kuptova

Si lindi ndjenja midis nesh.

Ti u bëre u besuari, i zgjedhur im

Kur qiellin tim e kishin mbuluar retë.

 

Shikimi yt i ëmbël misterioz

Magnet u bë për sytë e mi

Mes meje dhe teje lindi një ndjenjë.

Por emrin si t’ia vë as vetë nuk e di.

 

 

 

Digjem në sytë e tu

 

Digjem brenda syve të tu

E shoh si trupin e përpijnë flakët.

Dhe shpirti flutur bëhet hi.

Unë digjem për ndjenjën dashuri.

 

Syte tanë hedhin shigjeta zjarri.

Ti më djeg mua, unë flakë të ndez ty.

Unë digjem nga vështrimi yt rrufe.

Ti shkrumbohesh nga sytë e mi.

 

Trupi yt, pianoja ime

 

Trupi yt, e dashur, pianoja ime

Me gishtat që dridhen luaj plot emocion.

Mbi buzët e tua derdh nota ëmbëlsie

Një hymn dashurie luaj deri natën vonë.

 

Me notat e zemrës së dashuruar

Nën drithërimat emocionuese të trupit.

Unë luaj valsin magjik në ty

Trupi yt pianoja ime, unë pianisti yt.