Pushtoi rrjetin me fotot seksi, Garda: Ja e vërteta për ‘truprojën’ e Edi Ramës

Edi Rama, Albjola Palamani dhe Gramoz Sako

TIRANË- Albjola Palamani, është vajza që është kthyer hit në rrjetet sociale, pas fotove seksi që ka shpërndarë në Instagram dhe etiketimin që mediat i vunë si “truproja” e Edi Ramës. Portalet hodhën dyshime se Palamani, ose Jola.P, kishte mbyllur edhe rrjetet sociale, për shkak se iu zbulua identiteti i saj në media.

Por si qëndron e vërteta?

Burime nga kryeministria i thanë medias se Palamani nuk ka lidhje me grupin që kujdeset për sigurinë e kryeministrit. Vajza me forma bombastike, shtuan burimet është pjesë e Gardës së Republikës, por s’ka qenë kurrë pjesë e ekipit që shoqëron Ramën. Dosja.al kontaktoi edhe me Gramoz Sakon, Komandantin e Përgjithshëm të Gardës së Republikës, i cili mohoi që Palamani të ketë lidhje me shoqërimin e Ramës. “Albjola Palamani është efektive e Gardës së Republikës, në një nga drejtoritë tona të shërbimit. Ajo nuk ka asnjë lidhje me eskortën e Ramës. Palamani ka kryer shkelje me ekspozimin në rrjetet sociale. Për këtë shkelje rrezikon edhe pezullimin nga detyra. Aktualisht, ajo ndodhet në Turqi me pushime. Ajo ka qenë pjesë e shërbimeve gjatë fushatës elektorale, ku efektivë të gardës e kanë shoqëruar në aktivitete të caktuara”-është shprehur Sako. Ndërkohë që shtypi ka siguruar edhe disa foto të tjera, ku Palamani shihet në rreshtin e parë krah kryeministrit shqiptar.

Ende nuk ka një version nga ana e vetë vajzës, e cila nuk gjendet më në asnjë rrjet social. Mbetet “shpresa”, që me kthimin nga Turqia, e reja do të bëjë vetë një sqarim, për fotot që bënë xhiron e rrjetit. Mister janë arsyet pse Palamani e ka ekspozuar veten në rrjetet sociale si truproja e kryeministrit, Edi Rama kur sipas Gardës ky fakt nuk është i vërtetë…/dosja.al/