Athanasios Christopoulos: E TASHMJA
Nuk dua tё kem shpresё,
e as tё bёj kujdes
tё ardhmen nё k’ tё jetё.
Tё sotmen menaxhoj,
e nesёrmja tё shkojё
tё gjejё fatin e vet.
Pastaj ç’ ka pёr t’u bёrё
e çfarё mё pret nё derё
hiç kokёn nuk e çaj,
nuk e filozofoj
se trurin e rёndoj
mё kot dhe nis e qaj.
Tё bёhet çfarё tё dojё
as kam njeri nevojё
dhe qielli tё bjerё.
E toka tё vithiset,
dielli tё gremiset,
tё bёhet xёc e terr.
Tё tashmen dua unё,
orёn qё jam kёtunё,
e gjersa kam takat,
me shishen e rakisё,
nё krahё tё dashurisё,
e tё mё kenё inat.
Shqipёroi: Arqile Garo
Nga libri “Pelegrin në Ujëvarat e Poezisë Helene”.
Please follow and like us: