Sinan Kërpaçi: Arritjet e demokracisë në Zululand

U djersitën si dinë ato në pazare të mëdha,
luftuan, luftojnë, do të luftojnë
përjetësisht
të fitojnë zgjedhjet në Zululand
partitë.

Luftuan,
luftojnë,
do të luftojnë me përkushtim
po sipas kësaj logjike
për t`u shpallur burra shteti në Zululand
krerët e tyre.

Mbërritëm tani tek arritja e madhe:
atdheun e pagojë e lamë në udhëkryq,
të ardhmen e groposëm shtatë pashë thellë
me të vdekur,
popullit i dhamë rrugët me valixhe në dorë…

…dhe i bëmë 24 burgje që lulëzojnë gjithandej
për një milion të mbetur të moshës së tretë
në dheun arbëror.

Gusht 2019.