Avdush Canaj: NËSE NISENI TEK UNË

Te dera ju pret dardha
me fustan të bardhë:
Mirë se këni ardhë!

Burbuqet
këtë ditë e shpallin festë,
për ju vallëzojnë me mollëkuqet,
harabelat luajnë
sonatën për miq.

Unë ju pres në ballkon të këngës
me gotat ëmbëlsi vargjesh
dhe buzëqeshje prej mjalti
Xhepat ua mbush, plot
me muzikë rimash.

Lehtë e gjeni shtëpinë
nëse niseni tek unë.
Numri 25
është më zambakë.