Prokuroria kërkon 12 vite burg për Saimir Tahirin

Prokuroria e Krimeve të Rënda ka kërkuar 12 vite burg për ish-ministrin e Brendshëm Saimir Tahiri.

Mësohet se pretenca e prokurorëve është dhënvë pak minuta më parë. Gjykata e Krimeve të Rënda ka pranuar më herët kërkesën e ish-ministrit për gjykim të shkurtuar.

Duke marrë parasysh se Tahirit i është pranuar gjykimi i shkurtuar, ai përfiton ulje me 1/3 e dënimit, duke bërë që Prokuroria do të kërkojë 8 vite burg.

Në seancë u lexuan disa përgjime ambientale dhe telefonike. Në seancë, ish-ministri i Brendshëm Tahiri ka vijuar mbrojtjen. Ai ka sjellë në sallën e gjyqit një tabelë për të paraqitur argumentat.

“Për sasinë e parë që më akuzoni kisha vetëm një javë që kisha marrë detyrën, ndërsa për sasinë e dytë vetëm dy muaj. Habilajt kanë qenë disa herë të proceduar gjatë kohes që unë kam qenë Ministër”, tha Tahiri.

Ish-ministri, së bashku me Jaeld Celën, ish-drejtor i Policisë së Vlorës, Sokol Boden, ish-oficer policie dhe Gjergj Kohilën ish-oficer policie, akuzohen për “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.

Sipas organit të akuzës Tahiri ka garantuar paprekshmërinë e grupit të Habilajve në trafikimin e sasive të mëdha të drogës drejt Italisë.

Please follow and like us: