Kozeta Zavalani: Konferenca e 22-të botërore WIN 2019 për Rrjetin Ndërkombëtar të Grave

Konferenca e 22-të botërore WIN 2019 për Rrjetin Ndërkombëtar të Grave (Women International Networking – sjell mënyra të reja për të udhëhequr në kohë të pasigurt)

Shumica e njerëzve kur mendojnë për Athinën, zakonisht e kujtojnë për qiellin blu, bregdetin me ujëra të kaltër, Akropolin dhe natyrisht, shumë pak e dinë zhvillimin e Konferencës së 22-të vjetore globale të grave WIN 2019. Nga 2-4 Tetor 2019 në kryeqytetin e Greqisë, Athinë, mbi 600 pjesëmarrës nga 159 vende dhe profesione të ndryshme morën pjesë në sesione interaktive të konferencës, që synojnë modernizimin e vendit të punës.

WINConference u zhvillua në hotelin e mrekullueshëm ‘Divani Apollon Palace’ me pamje nga plazhi i Kavurit pranë Glyfadës, që ofron frymëzim në një rrjet mbështetjeje për gratë, për të kontribuar në mënyrë autentike, duke integruar vlerat femërore dhe vetëdijen globale në gjithçka që ato bëjnë, duke bashkuar idetë vendimmarrëse me ndikim për të krijuar një botë më të mire e në lulëzim. Athina moderne me 3.000 vjet histori kulturore evropiane vazhdon të tërheqë jo vetëm turistët në kryeqytetin Grek, por edhe grate e suksesshme kudo në botë. Mbi të gjitha në malin e kështjellës së Akropolit me tempullin Parthenon që simbolizon si asnjë ndërtesë tjetër epokën e artë kur filozofia, teatri, shkencat natyrore dhe matematika ishin në lulëzim të plotë dhe Athina është vendlindja e demokracisë së parë të Evropës. Personalisht kam marrë pjesë në këtë conference, qysh në krijimin e saj dhe e kam ndjekur në vende të ndryshme, si në Milano të Italisë, në Gjeneve, Lucernë e Lozanë të Zvicrës, në Berlin të Gjermanisë, etj. Madje kam shkruar gjatë për themeluesen dhe organizuesen e saj, norvegjezen e mrekullueshme Kristin Engvig në librin tim “Gra që më kanë frymëzuar”.

Konferenca e 22-të, kuruar në përsosmëri dhe ekzekutuar përmes një lente femërore, shkon shumë më larg se shumica e konferencave të tjera. Me orkestrim mjeshtëror, WIN demonstron shtrirje të hollësishme të njohurive globale, organizative, profesionale dhe personale me rrjetëzimin e ndërkombëtar. Me 22 vjet sukses të vazhdueshëm dhe eksperimentim, Global WIN ka transformuar mijëra gra dhe qindra kompani, duke frymëzuar udhëheqësit për të drejtuar ndërmarrje dhe nisma me vlera fisnike, për të jetuar plotësisht jetën e tyre me bukuri dhe entuziazëm, për të krijuat një botë më të balancuar gjinore për brezat e ardhshëm. Konferenca është krijuar për të ndihmuar pjesëmarrësit të krijojnë aftësi dhe lidhje të reja në një mjedis frymëzues dhe ushqyes, duke shpejtuar ndikimin e tyre në botë, në punë dhe në jetën e tyre.

WINConferenca nuk ka të bëjë vetëm me lidhjen me një energji magjike dhe sensin që gjithçka është e mundur, por si ta drejtojmë botën dhe kompanitë në një mënyrë më të integruar, ku dëgjohen zërat e grave dhe e ardhmja jonë e përbashkët merret seriozisht. Bëhet fjalë për realizimin e ëndrrave tona individuale dhe kolektive. WIN është një hapësirë e sigurt ku transformimi bëhet i mundur. Në fakt, për shumë kjo mund të ndezë diçka brenda jush, që ju lejon të filloni një udhëtim të ri ose të vazhdoni atë në të cilin jeni duke rritur qartësi dhe gjallëri. Ju mësoni të kontribuoni ide të reja me ndikim të shtuar, të merrni përgjegjësi më të thella nga këndvështrime të reja dhe të gjeni qëllim të rifreskuar për t’i bërë gjërat të ndodhin. Fitimi është konkret – rrit ndërgjegjësimin dhe krijon ndikim. Si një kopsht ushqyes, ajo përshpejton rritjen dhe inkurajon të jepni gjithçka ndërsa rriteni.

Folëset në sesionet plenare janë të klasit botëror, për ndërtimin e aftësive me forume ndërvepruese, për të ndezur kureshtjen, për të hapur zemrën ndaj mundësive të reja, për të frymëzuar dhe nxitur lidhje me të tjerët. Drejtuesit e Forumeve diskutuan çështje që lidhen me median, inovacionin, teknologjinë, gratë në borde, të ardhmen e punës, forumin e të rinjve për udhëheqës, forumin me përvojë të udhëheqësve dhe ekspertëve që organizojnë talentin e tyre dhe programet e diversitetit dhe përfshirjes në një nivel të ri. Megjithëse ekzistojnë shumë pengesa, pionierët kanë filluar të dëgjohen, ashtu si aktivistja e re suedeze

Greta Thunberg që po udhëheq e mobilizon grevën më të madhe në botë për klimën. Ne e dimë që modelet autentikë të roleve të shëndetshëm ndikojnë në jetën tone, ndaj jemi super të forta dhe zemërgjera. Këto cilësi më kujtojnë perëndeshën greke Athena, luftëtaren femërore që mban pastërtinë e drejtësisë, mençurisë dhe ekuilibrit, si udhëheqëse që gratë të mbështesin njëra-tjetrën me bujari. Sepse ndërsa era fryn e fortë për perëndeshën, ajo duhet të ushqehet dhe të ndjehet e sigurt, për të mbështetur planetin dhe për të bërë veprime të jashtëzakonshme të bujarisë me dashuri dhe kurajo.

E tillë është edhe Kristin Engvig që udhëheq e drejton Konferencën Globale WIN, si themeluese e kësaj iniciative për udhëheqjen globale, që konsiston në modelimin, fuqizimin, zhvillimi dhe lidhjen e njerëzve dhe organizatave femërore, në një mënyrë autentike dhe globale përmes forumeve dhe programeve mësimore në të gjithë botën. Ajo është një autoritet global i udhëheqjes femërore dhe udhëheq udhëtimin global të WIN dhe shkruan, konsulton e flet për lidership autentik dhe femëror, diversitetin dhe përfshirjen, vetëdijen globale dhe krijimtarinë. Ajo filloi të fuqizojë gratë dhe organizatat në të cilat bëjnë pjesë më shumë se njëzet e pesë vjet më parë dhe vizioni i saj ka prekur në të gjithë planetin mijëra e mijëra njerëz. Ajo punon me burra dhe gra të të gjitha moshave dhe prejardhjeve për të krijuar një botë që funksionon për të gjithë. Për të bërë të mundur që gratë e vetëdijshme të marrin role vendimmarrëse, për të përparuar karrierën, për të krijuar kompani me vlerat më të larta dhe mbështetur më shumë gra në politikë dhe biznes, si dhe duke u dhënë hapësirë artistëve dhe aktivistëve, duke kontribuar me origjinalitetin e zemrat femërore në integrimin e vlerave, duke mbështetur njëri-tjetrin në realizimin e ëndrrave. Sipas statistikave në Greqi, në gjithsej 331 bashki në të gjithë vendin, vetëm 19 gra ishin në gjendje të dominojnë zgjedhjet. Politika mbetet një çështje kryesisht mashkullore në institucionet më të forta në vend: vetëm 14% e ministrive në katër vitet e fundit janë udhëhequr nga gratë. Fatkeqësisht, pjesëmarrja e ulët e grave është edhe më e theksuar në vendin e punës.

Disa statistika janë të mjaftueshme për të vërtetuar faktin e trishtuar: edhe sot, vetëm 9% e anëtarëve të bordit të korporatës janë gra, ndërsa hendeku i pagave midis burrave dhe grave arrin në 26%. Në përpjekje për të zbutur realitetet e jetës së punës për gjysmën e popullsisë, Komisioni Evropian kohët e fundit ka propozuar prezantimin e lejes prindërore për burrat gjatë lindjes si një e drejtë e barabartë e pa transferueshme, e cila gëzon të dy gjinitë. Modeli tashmë është testuar në disa vende skandinave – me Suedinë që udhëheq rrugën, e cila ka vendosur një licencë pesë-mujore për të dy prindërit me rezultate inkurajuese të pagave. Sidoqoftë, për shkak të mungesës kronike të grave në pozita udhëheqëse në politikë dhe biznes, problemet më të thella në realitetin e punës së grave vazhdojnë. Ndaj edhe zonja Engvig e zhgënjyer nga mjedisi i korporatës shumëkombëshe, i mbizotëruar plotësisht nga meshkujt, në të cilën ajo punonte, krijoji WIN për të promovuar një qasje më femërore në vendin e punës.

Kryesisht në konferencën vjetore të WIN – një nga forumet e krijuara në botë për udhëheqjen dhe promovimin e grave në vendin e punës – Engvig udhëton në botë duke organizuar seminare origjinale për të demonstruar se si funksionon barazia gjinore, sepse vendi i punës nuk është vetëm çështje e grave, por për të mirën e të gjithëve. Engvig, është përshkruar si një “prani magnetike” nga Guardian dhe është nderuar me çmimin e Aleancës Ndërkombëtare të Grave në 2010, thotë se është e emocionuar që solli këtu KonferencënWIN, pavarësisht sfidave me të cilat përballen ende gratë në Greqi.

“Konferenca jonë është si një guralec – me qëllim të krijojë valë të njëpasnjëshme ndryshimesh edhe në “detin” e Athinës”, thotë ajo e shton: “Problemi nuk janë burrat, por” hija e mashkullorisë.” Themeluesja optimiste ndau mendimet e saj për përparimin në barazinë gjinore, rolin e burrave dhe sfidat me të cilat Greqia ende përballet. Në të vërtetë, provat tregojnë se është bërë përparim i konsiderueshëm në Evropë, veçanërisht në lidhje me ndryshimet në paga dhe pjesëmarrjen e grave në punë. Përpjekjet e mia me WIN, janë trajtuar si anësore. Tani, çështjet që kemi ngritur në konferencë që nga viti 1998 kanë hyrë në diskutimet e përditshme. Sidoqoftë, nuk e fsheh se kur fillova kam pritur që progresi të vijë më shpejt. Tani duke bërë vetë kritikën time, e kuptoj se naiviteti im mund të jetë për shkak të origjinës sime nga Norvegjia, ku gjërat janë shumë më të drejta sesa në Itali, në Greqi apo edhe Zvicër, e cila, në kundërshtim me perceptimet, mbetet një vend konservator. Gjithçka ka ndryshuar me udhëtimet e mia në Rusi dhe Evropën Lindore, në vendet ku gratë ende janë të privuara nga opsionet themelore financiare, kanë pak për të punuar dhe paguhen shumë më pak se burrat. Në këto vende u bë e qartë për mua se përveç këtyre politikave, duhet të fajësohet edhe mungesa e empatisë dhe mbizotërimi i ngurtë i mashkullit në hierarkinë e vendit të punës. Si i tillë, modernizimi i vendit të punës është bërë qëllimi im personal. Në përgjithësi, unë besoj se është bërë përparim, por në disa raste ne shohim një rënie dhe një kthim në praktikat anakronike. Unë jam optimiste, por në të njëjtën kohë nuk jam plotësisht e kënaqur. Në konferencën tonë, unë i inkurajoj pjesëmarrësit që së pari të pranojnë paragjykimet e tyre të qenësishme, dhe pastaj t’i sfidojnë ato. Unë erdha në Greqi për herë të parë disa vjet më parë, në fillim të viteve 2010, për shkak të reputacionit të mirë të vendit për njësitë e tij hoteliere dhe aftësinë e tij për të organizuar konferenca të suksesshme. Më magjeps si vend, por kaloi një kohë shumë të vështirë, pasi ishte në kulmin e tensioneve dhe protestave. Grekët janë shumë komunikues dhe adaptues, siç kanë treguar gjatë krizës, me kulturën dhe historinë e pasur të vendit.Ndaj shpresoj që ta frymëzojmë Greqinë e gjithë globin, të lëvizë në drejtimin e duhur”.