Ekskluzive/Gjykata Franceze nuk pranon të dorëzojë tregtarin amerikan që mban artin e grabitur nga nazistët në Poloni

Tabloja “Vajza me një pëllumb”
PARIS – Një avokat për një tregtar arti në New York tha të hënën se klienti i tij është kthyer në Shtetet e Bashkuara pasi një gjykatë franceze vendosi kundër dorëzimit të tij në Poloni. Jean-Jacques Neuer tha se Gjykata e Apelit në Paris hodhi poshtë kërkesën e Polonisë për kthimin e Aleksandër Khochinskiyt. Khochinskiy u arrestua në shkurt në Aeroportin Paris-Charles de Gaulle, bazuar në një urdhër të Bashkimit Evropian nga Polonia. Neur e quajti vendimin e gjykatës së apelit “jashtëzakonisht të rrallë” brenda BE. Polonia akuzon Khochinskiyn për mbajtjen e një pikture të shekullit të 18-të nga artisti francez Antoine Pense që nazistët gjermanë vodhën nga Muzeu Kombëtar i Polonisë në Poznan gjatë Luftës së Dytë Botërore. Piktura atëherë bëri rrugën e saj për në Moskë, ku u vu re. Khochinskiy, një qytetar amerikan me origjinë ruse, thotë se ai trashëgoi tablonë “Vajza me një pëllumb” në 1991 dhe mësoi se Polonia e donte atë në vitin 2010. Shtetet e Bashkuara refuzuan ta ekstradojnë atë në 2015-ën. Polonia po bën përpjekje të mëdha për të gjetur dhe rikthyer veprat e artit dhe kulturës që u grabitën nga nazistët gjermanë dhe nga trupat sovjetike gjatë luftës. Herë pas here shënohen suksese, duke gjetur vepra në ankande ose në koleksione private në Perëndim dhe duke negociuar kthimin e tyre. Por rregulloret ruse i bëjnë kthimet e tilla pothuajse të pamundura. Polonia pësoi humbje dhe dëme të mëdha në kulturën dhe veprat e saj artistike gjatë luftës./ The imes of israel/