Avdush Canaj: ME FLOKËT HËNORE

Si agu i ditëmirës
Më buzëqeshi n`shetitore.

Vërtet u skuqa pak,
Më panë zogjtë me blirin,

Nuk i mbeta borxh,
Plus ia mbylla syrin.

Qenke sutë përrallash
Desha t`i them në Shtoj,

S`di pse kaq shpejt iku,
Si zog qielli fluturoi.

Ia dërgova një porosi
Me celularin pa vonesa,

Diku në rrugë mbeti,
Rrjeti kish`pengesa.

Tash adresën s`ia di,
As klasen e vet.

Në dritare të ëndrrës
Shpesh më troket.

Vajzuka prej molle
Me flokët hënore,

Si agu i ditës
Më thërret për akullore.

19 tetor, 2019