Jorgos Souris: PRIFTËRESHA

Shkonte koha për merak
derisa pak e nga pak
bëhet prift dhjaku hamshor
e vë mitër e kurorë.

Edhe burri i saj i shkretë
që inat nuk mbajti fare,
shugurimin ja bën vetë
me ceremoni fetare.

Dingi, dang!… qiejt bërtasin
“I zoti!” e brohorasin,
që të gjithë e tundet mesha.
Por më klithëm nazetare
“Shumë i zoti! I zoti fare!”
Përshëndet dhe priftëresha.

Shqipëruar nga Arqile Garo
nga libri “Pelegrin në Ujëvarat e Poezisë Helene”