Cikël poetik nga Avdush Canaj
SHTRATI I FLUTURËS
Shtrati i fluturës
me jorgan lulesh.
Nënkresa
plot përralla e puthje.
Një yll bën roje
te porta e gjumit
të mos trembën
ëndrrat e barit.
MËSUESE E BUZËQESHJES
Trëndafilja
mësuese e buzëqeshjes
Lirikë e dashurisë
te zemra e kopshtit.
LIBRI I PRANVERËS
Libri i pranverës
është me lule.
Ka zogj e flutura.
Lexohet lehtë
me alfabetin e barit .
Në çdo kopsht e kemi.
Faqet e tij
me diellin falin rritë.
Please follow and like us: