Rina Balaj rikthehet me projektin e ri ‘Tentacion’

Ka më shumë se një muaj që reperja Rina ka qëndruar larg rrjeteve sociale, duke mos treguar arsyen se pse mori këtë vendim. Lidhur me këtë ka folur vetëm motra e saj, Rudina, e cila u shpreh se Rina po merr një pauzë edhe nga muzika. Por edhe pse u “zhduk” nga “Instagram”-i apo koncertet, reperja vijoi që të jetë në qendër të vëmendjes dhe shumë e komentuar. Tashmë profili i saj në “Instagram” i përket “On Records” dhe familjarët e reperes bashkë me fansat nënshkruan një peticion për ta rikthyer. Por mesa duket kjo gjë nuk ka funksionuar, pasi Rina ka hapur një profil të ri. Këtë e ka bërë të ditur reperi Sinboy dhe zbulon se Rinën mund ta gjeni me emrin “isyourgirlrina”. Në profilin e ri në Instagram, reperja ka postuar vetëm një foto ku shfaqet me flokë rozë dhe shkruan: “Instagram i ri, a ju mungova?” Mesa duket Rina po rikthehet edhe në muzikë sepse ajo dhe Sinboy po sjellin një projekt të ri bashkë të quajtur “Tetancion”.