Lulzim Basha: Platforma jonë për daljen nga kriza

Kryetari i Partisë Demokratike, Lulzim Basha, pas takimit me misionin e FMN-së, u shpreh se buxheti i parashikuar nga qeveria për vitin 2020 është një vjedhje e hapur. Basha tha se Rama i fajëson të gjithë, veç vetes së tij. “Shqetësimet tona janë konfirmuar nga FMN. Buxheti që kanë planifikuar të kalojë përbën një vjedhje të hapur. 140 milion dollarë parashikohen ti jepen 13 oligarkëve. Kjo do çojë në një rritje të borxhit publik”, tha Basha. Kreu i demokratëve u shpreh se me ardhjen e opozitës në pushtet do të ndalen koncesionet që do t’i jepen 13 oligarkëve. Ai shtoi se kjo qeveri e ka zhytur vendin në krizë. “FMN dhe opozita kanë një plaftormë të qartë për daljen nga kriza. Do ja dalim të ndalim këto koncesione korruptive. Paratë do ti kthejmë të qytetarët, studentët, fermerët. Do kthejmë kushtet e barazisë para ligjit dhe konkurrencës së lirë”- theksoi kreu demokrat Basha tha se plani i hartuar nga opozita do të bëjë që biznesi nesër, me ardhjen në pushtet të opozitës, ta ketë krah qeverinë dhe jo si sot, që e ka përballë si kërcënues. “Ai plan do mundësojë që biznesi nesër qeverinë ta ketë në krah, jo si sot, përballë si kërcënues. Kjo situatë nuk mund të vazhdojë më dhe nuk ka pse të jetë kështu. Ne do të vemë në kontroll borxhin publik”, deklaroi Basha. “Kjo situatë nuk mund të vazhdojë më”, shtoi Basha, duke thënë se ka ardhur koha për një treagim popullor, premtuar se qeveria e re do të jetë krah investimeve dhe rritjes ekonomike.