Horoskopi ditor, e hënë 2 dhjetor 2019
Dashi
Kjo ditë do të jetë mjaft pozitive, gjatë së cilës do të mund të merrni frymë, pas tensioneve dhe debateve që keni pasur me dikë. Tashmë gjërat do të ecin më mirë, ku ju do të ndiheni më të vendosur për të marrë rezultatet që i keni vendosur vetes synim. Në dashuri, mund të ketë rikuperim.
Demi
E hëna do të jetë disi nën ritmin e duhur, gjatë së cilës bëni mirë që të shmangni rreziqet e çdo lloji. Bëni mirë që të shmangni kërkesat, por më mirë prisni edhe disa ditë, pasi yjet do të vijnë duke u përmirësuar. Luhatje do të ketë edhe në sferën sentimentale. Bëni kujdes në dashuri dhe mundohuni që të mos përfshiheni në polemika.
Binjakët
Kjo ditë do të jetë mjaft pozitive, në sajë të ndikimit të favorshëm të Hënës. Mund të merrni rezultate të kënaqshme në punë, por edhe në dashuri situata do të jetë më se pozitive. E rëndësishme është që të mos e çoni kohën dëm, me dikë që nuk ju meriton. Ndërsa nëse keni përkrah personin e duhur, është momenti për të bërë disa projekte.
Gaforrja
Ju pret një ditë pozitive, mjaft më e mirë në raport me fundjavën. Tashmë lidhjet ndërpersonale do të jenë më të mira, nëse tregoheni më të hapur për dialog. Në punë, programoni gjërat që duhet ti bëni sa më parë. Sa i takon dashurisë, tashmë do të keni mundësi që të sqaroni disa keqkuptime.
Luani
Kjo ditë do të jetë e mbushur me nervozizëm dhe tension. Mundohuni që të mos jeni shumë në konfrontim në raport me ata që ju rrethojnë. Bëni mirë që të rrini të qetë dhe të merrni kohën e duhur lidhur me çdo vendim që duhet të merrni, sidomos nëse ju duhet që të firmoni një marrëveshje. Nën ndikimin e Venusit, nuk do të keni shumë dëshirë për të dalë, por preferoni që të merreni me veten tuaj.
Virgjëresha
Dashuria do të jetë protagoniste gjatë kësaj të hëne, sidomos në mbrëmje. Kështu që përfitoni, mos qëndroni të mbyllur në shtëpi, por lëvizni. Sa i takon punës, do të keni kontakte me persona të tjerë dhe vende të tjera, duke u përballur me mundësi të shumta.
Peshorja
Java do të nis në mënyrën më të mirë të mundshme, pavarësisht ndikimit të kundërt të Venusit, i cili do të sjellë disa probleme në dashuri. Nuk keni shumë durim, edhe pse kjo nuk ju duket ndonjë defekt i madh. Nëse jeni vetëm, mundohuni që të hapeni pak më shumë, pasi është momenti i duhur për të parë me sy të tjerë disa situata dashurie. Hëna do të jetë në anën tuaj, gjë që do ju ndihmojë që të hidhni hapa të sigurtë.
Akrepi
E marta do të jetë disi nën ritmin e duhur dhe e mbushur me nervozizëm, ndaj është mirë që të shmangni debatet dhe polemikat, sidomos në punë. Mendohuni para se të flisni, pasi impulsiviteti mund të shkatërrojë shumë gjëra. Mbrëmja do të favorizojë tej mase situatën sentimentale.
Shigjetari
Jeni në një fazë rivlerësimi personal, ku disa raporte do të funksionojnë më mirë se më parë. Do të arrini që të kuptoni dhe të kuptoheni më mirë. Tashmë varet nga ju, se cilat janë raportet që ju bëjnë të ndiheni mirë. Yjet favorizojnë çdo zgjedhje tuaj.
Bricjapi
Dita do të jetë e mbushur me nervozizëm, ndaj këshilla për ju është që të ruani qetësinë sidomos në çështjet që kanë të bëjnë me punën, pasi me gjasë brenda fundit të vitit do ju duhet që të bëni një zgjedhje të rëndësishme, shkruan noa.al. Sa i takon dashurisë, mbrëmja premton të jetë intriguese.
Ujori
E hëna do të jetë mjaft pozitive në sajë të ndikimit të Hënës dhe Diellit në shenjën tuaj. Tashmë do të keni mundësi që të veproni për të marrë rezultate në punë dhe për të përmirësuar gjendjen tuaj ekonomike si dhe për të ecur përpara në karrierë. Edhe në dashuri do të lëvizë diçka, pasi është dikush që ju intereson, ndaj përvishni mëngët.
Peshqit
Kjo fillim javë do të nisë mjaft pozitivisht, ku do të ndiheni në humor dhe të frymëzuar. Shfrytëzojeni këtë gjë për të kaluar momente të bukura me njeriun e zemrës, pasi dashuria do të lulëzojë. Keni nevojë për të forcuar raportin në çift, por edhe vetëbesimin tuaj.