Jorgji Pavlopoulos: E ARIXHOFKËS

A mundesh më thotë të hash për darkë
barishte të hidhura pa kripë
e paskëtaj të biesh e të flesh?

Mundem i them.

Mundesh më thotë të shtrihesh
pa u ankuar nga të ftohtit
mbi baltën e ngrirë?

Mundem i them.

Mundesh më thotë mbi atë baltë
flakën të vesh mbi trupin tim
e ta shndërrosh atë në hi?

Këtë e bëj fare kollaj i them.

Mundesh më thotë që hirin tim
t’ ja hedhësh verës tënde
e pasi të bëhesh tapë të më harrosh?

Jo, këtë s’ mundem ta bëj i them.

As arixhi nuk bëhesh dot, ma kthen.

Shqipëroi Arqile Garo