Një kriminel më pak, vdes me këngë në gojë Vojslav Sheshel, kush e ka radhën?

Ka vdekur krimineli serb Vojsllav Sheshel në moshën 65 vjeçare. Lajmin e ka bërë të ditur tabloidi serb nga Beogradi, Kurir.

I njohur si udhëheqës i radikalëve serbë, Sheshel ishte nga figurat kryesore politike në Serbi për vite me radhë. Po ashtu ai u përball edhe me Gjykatën e Hagës për shkak të krimeve të luftës në ish-Jugosllavi, por asnjëherë nuk mori dënimin e merituar.

Sheshel vdiq si deputet në Parlamentin e Serbisë nga radhët e Partisë Radikale Serbe (SRS), parti kjo që e themeloi në vitin 1991 dhe të cilën e drejtonte edhe në momentin kur ndërroi jetë. Gjatë viteve 1971-1981 ai ishe pjesë e Ligës Komuniste të Bosnjës dhe Hercegovinës, vend ky ku ai kreu krime të shumta. Kurse, gjatë viteve 1989-1990, para se të themelonte SRS, ai ishte pjesë e Lëvizjes për Rilindjen e Serbëve (SPO).

Ai mbajti edhe pozita të rëndësishme shtetërore. Për shumë vite ishte deputet në Parlamentin e Serbisë dhe lider i opozitës, përfshirë edhe vitet e fundit të jetës. Ndërsa gjatë viteve 1998-2000, ai mabjti edhe pozitën e zëvendës-kryeministrit të Serbisë.

Vojsllav Sheshel ishte i martuar dy herë gjatë jetës së tij. Fillimisht ai u martua me zonjën Vesna Mudresa, kurse në vitin 1992 ai u bë burri i zonjës Jadranka Sheshel, e cila mbeti e ve sot.

Krimineli serb ishte fans i zjarrtë i muzikës folklorike serbe, por edhe i yjeve të pop-folkut në Serbi Ceca dhe Dragana Mirkovic. Kurir raportoi se përflitet që frymën e fundit e dha duke dëgjuar këngën “Placi zemljo” të Dragana Mirkovicit./bota.live

Please follow and like us: