Bardhyl Londo: SFIDË NDAJ KORONAVIRUSIT

Mbrëmë, pothuajse gjithë natën, për të sfiduar virusin e tmerrshëm, kam dëgjuar këngë të vjetra përmetare që këndoheshin në mejhanet e dikurshme duke gjerbur rakinë e famshme dhe kukurecin plot ereza. Në vazhdim të sfidës po postoj disa strofa me thekse të forta froidiane. Kush të dojë është i mirëpritur të shtojë të tjera edhe nga krahina të tjera.

 

O bandill, bandill

Të paça sa malet.

Pse s’më vjen një natë

Që të qajmë hallet.

 

Mos më ajde ditën

Po më ajde natën,

Se na shohin bota

Kush e di se ç’flasën.

 

O bandill, bandill

Më të rënçin mishrat

Unë jam sëmurë

Ti më kërkon cicat.

 

O bandill, bandill

Mor qen i tërbuar,

S’më le vend pa puthur,

S’më le pa kafshuar.

 

Qyqe ç’u llafosmë mbrëmë

Në mëngjez ma ktheve ndryshe,

Kur të hapa xhamadanë

Gjeta qumësht dallandyshe.