Albina Deda: Të bëhet testimi i gjithë personave të dyshuar me koronarovirus

Deri më sot në vend për 51 të sëmurë me koronavirus janë bërë rreth 600 testime, të cilat janë shumë pak në raport me testimet që janë kryer në shumicën e vendeve ku goditi ky virus!

Për këtë sot Drejtori i Përgjithshëm i OBSH Tedros Adhanom paralajmëroi se pandemia nuk do të largohet në këtë mënyrë.

Ai bëri thirrje për testime, testime, testime.

Ai citoi: “Nuk mund të luftosh një pandemi nëse nuk e di kush është i infektuar. Nuk mund të luftosh një zjarr me sytë e mbyllur”!

Nga studimet e kryera deri tani testimet e gjera të popullatës janë shoqëruar nga një vdekshmëri mbi 8-9 herë më të ulët se sa testimet e kufizuara.

Shpresoj dhe lutem që ta kalojmë këtë moment të vështirë, këtë pandemi të gjithë bashkë duke u kujdesur për vete, familjen, prindët tanë, gjyshërit në maksimum dhe të bëhet testimi i gjithë personave të dyshuar me koronavirus duke e decentralizuar testimin në qytetet ku kanë rezultuar të sëmurë me koronavirus dhe jo vetëm në Tiranë!