Mjeku i njohur Petrit Vargu, 15 pyetje publike për kryeministrin

I nderuar zoti kryeministër! Quhem Petrit Vargu. Nëse nuk gaboj më njeh. Më lejo t’ju pyes, që në këtë hall të madh që i ka rënë gjithë botës, përse nuk i tregoni popullit të vërtetën. Ose të paktën atë që mendohet si e vërtetë.

1. Sa tampone ka shteti që unë i paguaj taksa gjithë jetën?
2. Sa ka paguar qeveria ime?
3. Sa respiratorë punojnë dhe sa janë në gjendje pune për popullin?
4. Sa shtretër janë në dispozicion nga spitalet shtetërore?
5. Pse nuk punohet me projeksione në Shqipëri?
6. Si do të bësh me shtresën e popullsisë që kinezët e quajnë A, B, C, D?
7. Si ka mundësi që virusi është përhapur vetëm në 7 rrethe?
8. Pse nuk bën depistime në rrethet që sipas jush janë të paprekura?
9. Çfarë thotë profesorati që keni afruar për këtë problem?
10. Duke qenë se kjo rrugë është afatgjatë, a duhet të punohet me projeksione për rajone të veçanta, për ekonominë, shëndetësinë, arsimin, kulturën?
11. Këngët dhe dëfrimi që na ofroni na bën që të kemi moralin lart ose ulët, por nuk na zgjidh problemin që kemi.
12. Në këto orë duam reaksion nga shkenca dhe qeveria dhe jo histori gjobash apo histori të tjera politike me integrime apo jo.
13. Sa mendoni ju dhe taskforca që do të zgjasë kjo luftë?
14. Sa është shuma ë lekëve që është llogaritur për këtë luftë?
15. E vetmja mënyrë në situata të tilla është që të bëhet një qeveri me bazë të gjerë me njerëz të dijshëm. Boll me rilindjen! Boll me falsitete! Mos e tallni këtë popull!